Department of Tamil

Vision:

தமிழ் இலக்கண இலக்கியங்களின் தனித்தன்மையையும் அதன் முக்கியத்துவத்தையும் மாணவர்களுக்கு எடுத்துரைத்து இலக்கிய ஆளுமை மிக்கவர்களாக அவர்களை உருவாக்குதல்.

Mission:

இலக்கிய ஆளுமையோடு ஆசிரியர், பேச்சாளர், எழுத்தாளர், கலைஞர் ஆகிய பன்முகத்தன்மை கொண்டவர்களாக மாணவர்களை உருவாக்குதல். இலக்கியங்களின் வழி அறியலாகும். நன்னடத்தைகளைப் பின்பற்றச் செய்து மாணவர்களின் தனிமனித ஒழுக்கத்தினை மேம்படுத்துதல்.

Objectives:

• காலந்தோறும் தோன்றும் தமிழ் இலக்கிய வகைமையை மாணவர்கள் அறிந்து கொள்ளும் பொருட்டு இளங்கலை மற்றும் முதுகலை மாணவர்களுக்குரிய பாடத்திட்டம் அமைக்கப்பட்டுள்ளது.
• மாணவர்கள் பழந்தமிழரின் கலை மற்றும் பண்பாடுகளை அறிந்து கொள்ளும் வண்ணம் தமிழகக் கோயிற்கலைகள், தமிழக வரலாறும் பண்பாடும் ஆகிய பாடங்கள் பாடத்திட்டத்தில் இடம்பெற்றுள்ளன. பாடம் தொடர்பான கல்விச் சுற்றுலாவிற்கு மாணவர்கள் அழைத்துச் செல்லப்படுகிறார்கள்.
• மாணவர்களின் கணினி அறிவை மேம்படுத்தும் நோக்கில் இளங்கலை மற்றும் முதுகலை மாணவர்களுக்கு கணினிப் பாடம் பாடமாக வைக்கப்பட்டுள்ளது.
• இளங்கலை மற்றும் முதுகலை மாணவர்களின் ஆய்வுத் திறத்தை மேம்படுத்தும் வைகையில் இளங்கலை மூன்றாமாண்டு மாணவர்களுக்கும், முதுகலை இரண்டாமாண்டு மாணவர்களுக்கும் ஆய்வுத்திட்டக் கட்டுரை (Project) ஒரு தாளாக வைக்கப்பட்டுள்ளது.
• மாணவர்களின் வாசிப்புத்திறனையும் நோக்கையும் வளர்க்கும் விதத்தில் மாதந்தோறும் 'வாசகர் வட்டம்' நடத்தப்படுகிறது.
• தமிழுக்குத் தொண்டு செய்த சான்றோர்களின் பெருமையை மாணவர்கள் அறிந்து கொள்ளும் நோக்கில் தமிழறிஞர்களின் பிறந்தநாள் மற்றும் நினைவு நாள்களில் சிறப்புச் சொற்பொழிவு நடத்தப்படுகிறது.